Update

ಆಯುರ್ವೇದ ಚಿಕಿತ್ಸೆ – ಭಾರತೀಯ ವೈದ್ಯಕೀಯ ಪರಂಪರೆಯ ಅಮೂಲ್ಯ ಧಾರೆಯೊಂದು ಆಯುರ್ವೇದವು ಭಾರತದಲ್ಲಿ ಸಾವಿರಾರು ವರ್ಷಗಳಿಂದಲೂ ನಡೆಬಂದಿರುವ ಪ್ರಾಚೀನ ವೈದ್ಯಕೀಯ ಪದ್ಧತಿ. “ಆಯುರ್” ಎಂದರೆ ಜೀವನ ಮತ್ತು “ವೇದ” ಎಂದರೆ ಜ್ಞಾನ. ಆದ್ದರಿಂದ ಆಯುರ್ವೇದ ಎಂದರೆ ಜೀವನದ ಜ್ಞಾನ ಎಂಬರ್ಥ. ದೇಹ, ಮನಸ್ಸು ಮತ್ತು ಆತ್ಮದ ಸಮತೋಲನವನ್ನು ಕಾಪಾಡುವುದರ ಮೂಲಕ ಸಂಪೂರ್ಣ ಆರೋಗ್ಯವನ್ನು ಸಾಧಿಸುವುದೇ ಇದರ ಮುಖ್ಯ ತತ್ತ್ವ. ಆಯುರ್ವೇದದ ಮೂಲ ತತ್ತ್ವಗಳು ಆಯುರ್ವೇದದ ವೈದ್ಯಕೀಯ ಪಧ್ಧತಿ ಮೂರೂ ಮೂಲ ದೋಷಗಳ ಮೇಲೆ ಆಧಾರಿತವಾಗಿದೆ — ವಾತ, ಪಿತ್ತ ಮತ್ತು ಕಫ. ಪ್ರತಿಯೊಬ್ಬರ ದೇಹದಲ್ಲೂ ಈ ದೋಷಗಳ ವಿಶೇಷ ಸಂಯೋಜನೆ ಇರುತ್ತದೆ. ಜೀವನಶೈಲಿ, ಆಹಾರ, ವಾತಾವರಣ ಮತ್ತು ಮನಸ್ಥಿತಿ ಬದಲಾಗುವಂತೆ ದೋಷಗಳ ಸಮತೋಲನ ಕೆಡಬಹುದು. ದೋಷಗಳ ಅಸಮತೋಲನದಿಂದಲೇ ಅನೇಕ ರೋಗಗಳು ಉಂಟಾಗುತ್ತವೆ ಎಂದು ಆಯುರ್ವೇದ ನಂಬುತ್ತದೆ.